Upphafið
Samningar um byggingu álvers á Íslandi voru undirritaðir árið 1966, en viðræður milli svissneska fyrirtækisins Alusuisse og ríkisstjórnar Íslands höfðu þá staðið yfir í nokkur ár. Íslenska álfélagið hf. var stofnað og framkvæmdir hófust í Straumsvík. Þremur árum síðar hófst framleiðsla en verksmiðjan var formlega vígð í maí 1970 (sjá mynd)
Framleiðslugeta álversins var í upphafi um 33.000 tonn á ári í 120 kerum, en síðar var verkmiðjan stækkuð fjórum sinnum. Árið 1970 voru 40 ker til viðbótar tekin í rekstur, eftir að fyrsti kerskálinnn hafði verið lengdur, og 1972 var fyrri áfangi kerskála 2 tekinn í notkun. Síðari áfanginn (40 ker) var svo byggður nokkrum árum seinna og þar hófst framleiðsla árið 1980.
Þegar hér var komið við sögu var framleiðslugetan um 100.000 tonn á ári og var látið við það sitja í nokkuð langan tíma. Það var ekki fyrr en 1995 að ákveðið var að stækka verksmiðjuna enn frekar og byggja kerskála 3. Framkvæmdir stóðu í u.þ.b. tvö ár og nýjasti áfanginn var tekinn í notkun síðla árs 1997.
Framleiðslugetan var þá orðin um 162.000 tonn, en með ýmsum tæknilegum tilfæringum og betri árangri í rekstri hefur framleiðslugetan aukist og er nú um 180.000 tonn á ári.
Gamlar myndir
Framkvæmdirnar við byggingu álvers í Straumsvík og virkjunar við Búrfell voru gríðarlega umfangsmiklar á sínum tíma.
Smellið á myndirnar hér að neðan til að skoða svipmyndir frá framkvæmdunum í Straumsvík á árunum 1967 til 1969.